تبييض و نعومة 5 دراهم رجلين فحال الشميعة بيوضين و رطيطبين

لالة سناءآخر تحديث : الإثنين 17 أغسطس 2015 - 1:39 صباحًا
رجلين فحال الشميعة بيوضين و رطيطبين

تبييض و نعومة 5 دراهم رجلين فحال الشميعة بيوضين و رطيطبين

جبت ليكم واحد الوصفة رووووعة مدهشة كتخلي الرجلين فحال الشميعة بيوضين و رطيطبين نخليكم مع المقادير غادي نحتاجو لهاد الوصفة شمعة بيضة عادية نصف كاس زيت الزيتون بودرة طالك داك الرخيص في كسرونة نديرو ديك الشميعة ليزولنا ليها الخويط ديالها و نديروها فوق نار مهيلة ملي كدوب نزيد عليها الزيت من بعد نزولوهم منفوق النار و نزيد عليهم طالك شوية بشوية حتى يختار الخليط و يولي فحال الكريم هاد الخليط كيقصاح مع البرد ماشي مشكل واخا يقصاح نستعملوه لان ملي كنديروه في رجيلتنا كيعاود يدوب طريقة الاستعمال ملي تمشي الحمام او غير في دار تشدي رجليك و تحكيهم مزيان بديك الحكاكة الزرقة بعد ماكيرطابو في الماء او منبعد كتدهني بهاد الكريم و تلبسي التقاشر ديولك و تبقاي تكري هاد العملية يوميا بالنسبة لرجليها مشقين بزاف و نهار اه و نهار لا لرجليها شوية و تبقاي دهني بهاد الكريم يوميا بالليل وغدي تشوفي رجيلتك كيف غدي يوليو ليك بيوضين و ناعمين و بلا تشققات و متنسايش تلبسي التقيشرات ملي دهنيهم كنتمنى تعجبكم هاد الوصفة وتبعوها ايوى متنساونيش بالدعاء ودعيو معايا بزاف هاد الايام لحقاش بغيت نفطم ولدي دعيو معايا ربي يسر ليا و يعوني امين امين.

رابط مختصر
2015-08-17 2015-08-17
أترك تعليقك
0 تعليق

عذراً التعليقات مغلقة

لالة سناء