الرئيسية / العناية بالشعر / تساقط الشعر نهايتو على يدي انشاء الله

تساقط الشعر نهايتو على يدي انشاء الله

تساقط الشعر نهايتو على يدي انشاء اللهالسلام عليكم البنات
تساقط الشعر نهايتو على يدي الي كنعرفو جميع ان في هاد الفصل الكل كيعاني من تساقط الشعر غي كاين الي كيطيح ليه بزاف كاين الي غي شوية الموهيم باش نتفداو هادشي معليكوم غي بهاد القناع ديريه 2 مرات في الاسبوع و غادي تشكروني على بركة الله

تساقط الشعر نهايتو على يدي

مقادير الوصفة
بيضة كاملة
2 حتى3 معالق كبار زيت زيتون
2 معالق كبار عصير البصل ( هادي الي بغات الي مبغاتش خافت من الريحة مديرهاش و لكن الي بغات الشعر يكتاف ليها نصحها ضيف عصير البصل )
الطريقة
تخفقي البيضة مع الزيت حتى تندمج وزعيها على شعرك من الجدور حتى الاطراف مزيان دلكي شعرك واحد 5 دقايق مزيآآآآان باش تدخل الوصفة للجدور لفيه و دري عليه واحد الفوطة مبللة في الماء الساخن و ديري فق منها ابوني ديال البلاستيك او ورق الالمنيوم من بعد ما تحسي بيها بردات حيديها و ديري شي فولار بقاي 2 او3 سوايع او حتى نهار كامل و غسلي عايد و بالصحة راني مجربها شخصيا و فعلا روعة
ملحوظة
ضيفي ماء الزعتر للشمبوان يعني ديري شوية ديال الشمبوان فشي طاسة الي يقدك للغسيل و زيدي عليه شوية ديال الماء مغلي فيه الزعتر عاد وضعيه على شعرك و فركي مزيان و الى بغيتي شعرك يبان كتيف فاش تسالي الغسيل قلبيه قدامك و مشطيه و ديريلو شوية ديال السيروم غييي شوية و لفيه في الفوطة و خليه حتى ينشف و عاد قلبيه للور و غادي تشوفي كي غيخرج غزآال اوة شي دعيوة من القلب