سر من اسراري كيبس حب الشباب ومطهر وزيدون ساهل

لالة سناءآخر تحديث : الأربعاء 9 سبتمبر 2015 - 1:03 صباحًا

السلام عليكم اخواتي نتمنى تكونو باحسن حال و بلا منطول عليكوم نبدا بالاسرار ديالي

سر من اسراري كيبس حب الشباب ومطهر 

ايوا قربو ودنيكوم اهم حاجة لوحي كاع الكريمات لي عندك حيت عامرة غير بالمواد السامة و خصوصا ديك الفون دو تان خليك طبيعية و مشرقة و عانقي معايا الطبيعة ههههههههه ندوزو للطريقة اولا الروز كنبيتوه فاكاس ماء و ياريت الارز الكامل الا مكانش براكة غير الروز العادي خليوه ليلة كاملة و غطيوه لا طيح فيه شي عنكبوتة فيه و تسرق لينا البياض هههههههه

سر من اسراري كيبس حب الشباب ومطهر

مني يبات نحركوه بمعلقة مزيان و نخويو غير الماء ديالو في رشاش بحال هدا راه كيكون عند مالين الماكياج و يكون صغير باش نخبعوه حتى فالصاك ديالنا

سر من اسراري كيبس حب الشباب ومطهر 1

و نبقاو نرشو وجها و خص يكون الوجه مفيهش الكريمات يعني طبيعي و خصها تولي عندكوم عادة حتى تحصلو على النتيجة لي ترضيكوم ان شاء الله ومرة مرة بدلو الماء ديال الروز

فكرة اخرى البنات لي هلكهوم حب الشباب

غتغليو البابونج في الماء و تخليوه يبرد و هوب الى الرشاشة العزيزة و بقاو تشتشو ههههه راه كيبس حب الشباب و مطهر

لي مبليات بماء الورد الطبيعي عمرو القرعة و اراكوم للتشتيش

نتمنى تكون عجباتكوم الفكرة و طبقوها ممنوع الخروج من دون رد و لا منعاودش نجيب ليكوم اسراري هههههههههههههههه

لي عجباتها طبقات هاد الافكار و عجباتها النتيجة متنسانيش من شي دعوة ديال الخير

دمتم في امان الله

رابط مختصر
2015-09-09 2015-09-09
أترك تعليقك
3 تعليق

عذراً التعليقات مغلقة

  • malika
    malika
  • amal
    amal
  • Nejoua El
    Nejoua El
لالة سناء