عصير كيجي خاثر و لذيذ و راقي في المنظر و المذاق

لالة سناءآخر تحديث : الإثنين 18 يوليو 2016 - 12:46 صباحًا
عصير كيجي خاثر و لذيذ و راقي في المنظر و المذاق

هاد العصير كنعملو بزاااااف فهاد الآونة كيصلاح للوليدات بعد يوم مدرسي متعب

عندي أسامة كيحماق على العصائر الطبيعية وانا كنستغل الفرصة باش وليداتي يستافدو من الفواكه الموسمية والمنافع ديالها في تقوية المناعة

على بركة الله

مقادير عصير كيجي خاثر و لذيذ و راقي في المنظر و المذاق

عينك ميزانك وحسب كيف كتبغي العصير كثيف أو خفيف

هنا عملت شوية العنب قرب تسالا وقتو + تفاحة حمرا وتفاحة صفرا + 1 برقوقة + 1 كيوي + طريف من كاكي + ربع أفوكا + 2 بنانات + 4 حبات تمر + سكر حسب الذوق + عصير البرتقال

كلشي فالخلاط الكهربائي وطحنت

التفاح كنعملهوم بالقشور والعنب حتى هو كنحيد ليه غير العويدات لي لاصق فيهم

رابط مختصر
2016-07-18 2016-07-18
أترك تعليقك
0 تعليق

عذراً التعليقات مغلقة

لالة سناء