وصفة لمنع تساقط الشعر مجربة والنتيجة روعة

hanan morchiآخر تحديث : السبت 19 سبتمبر 2015 - 12:37 صباحًا

وصفة لمنع تساقط الشعر مجربة والنتيجة روعةوصفة لمنع تساقط الشعر مجربة والنتيجة روعة

وصفة لمنع تساقط الشعر مجربة والنتيجة روعة جيت نشارككوم بتجربتي للخلطة الجميلة ديال غزلان مكوار

المكونات

الثومة+البصلة حمرا+السانوج+الزعتر+سكنجبير طري(انا مكانش عندي درتو غبرة)+اليزير والخزامى+زيت الزيتون( إكسترا ڤييغج)+وزيت الخروع. مولات الوصفة قالت نديرو حفنة من كل حاجة وملعقة كبيرة من السانوج لكن انا درت ملعقة كبيرة غير باش نجرب وناوية نعاودها ان شاء الله ديما.

لي بغات تستعمل هاد الوصفة فنفس اليوم غتخلط المقادير وديرهوم فحمام مائي ولي مازرباناش بهم تخلطهوم فقرعة وتخزنها فمكان مظلم مدة عشرين يوم. انا درتها فحمام مائي وكل مرة كنبغي نستعملها كنحرك القرعة مزيان ونصفي الزيت لي يقدني فشعري ونشق به شعري مزيآن الفروة والزغبة وكنخليها 4 ساعات وكنغسل شعري عادي.

غزلان مكوار ڭالت ان هاد الزيت كينشف الشعر لكن انا منشفوش ليا بالعكس اصلح ليا بزاف ديال العيوب: ولات الزغبة عندي غليضة تبارك الله+واللمعان من اول استعمال+مابقاش شعري مشوك+ومانعاودش ليكوم على الرطوبية لي فيه غير سايح وخاص لي يجمعو هههههههههه. ضحكو عليا انا ڭلت غير داكشي لي كاين.

ملاحظة مهمة: متخافوش من ريحة التومة والبسلة مكتبقاش في الشعر نهآئيا كتبقي ريحة الخزامى واليزير لكن في اليوم الموالي مكتبقا حتي ريحة.

ايوا نتمنى من الله تجربوها وراه اكيد غتعجبكوم غير متنساوناش من دعواتكوم ولكن بالمثل.

منع تساقط الشعر مجربة والنتيجة روعة منع تساقط الشعر مجربة والنتيجة روعة
رابط مختصر
2015-09-19 2015-09-19
أترك تعليقك
1 تعليق

عذراً التعليقات مغلقة

  • nacer
    nacer
hanan morchi