اللي كاتعاني من تشققات الرجلين

hanan morchiآخر تحديث : الثلاثاء 26 يناير 2016 - 11:02 مساءً

اللي كاتعاني من تشققات الرجليناللي كاتعاني من تشققات الرجلين وصفة رائعة ومجربة

اللي كاتعاني من تشققات الرجلين وصفة رائعة ومجربة

هاد الوصفة مجرباها وكتعجبني بزاف حيت فاش كنديرها كيتنقاو رجليا مزيان ومكنبقاش محتاجة بيديكير هيا كتخرج ليك الجلد الميت كتر من الجلد اللي كتحيدو الراب فاش كديري البيديكير المهم الوصفة ساهلة بزاف غتاخدي سطل ولا بانيو غديري فيه الما دافي والشومبوان القدر اللي يكفي رجليك وتغطسي رجليك شي ربع ساعة ولا نص ساعة حتى يرطابومن بعد غتاخدي جوج ماطيشات محكوكين وديريهم فبانيو وتحطي فيه رجليك اللي غيكونو رطبين بالما وتبداي تفركيهم بمطيشة مزيان وخصوصا اماكن الجلد الميت من بعد غتاخدي جوج بلاستيكات وتخشي فيهم رجليك اللي لاصقة فيهم ماطيشة وتعقديهم وتلبسي تقاشر وجلسي ديري شي حاجة تفرجي فشي مسلسل متلا هههههههه المهم خاصك تجلسي اكتر مدة ممكنة باش ماطيشة دير مفعولها من بعد زولي البلاستيكات وغسلي رجليك بالما دافي وحكاكة الرجلين الحجرة وغتشوفي الجلود اللي غينزلو من رجليك الجلد الميت كامل غيزول من بعد دهني رجلك بفازلين ولا شي كريم اللي كتستعملي لرجليك .

رابط مختصر
2016-01-26 2016-01-26
أترك تعليقك
0 تعليق

عذراً التعليقات مغلقة

hanan morchi